បន្ទាយមានជ័យ៖ ខេត្តបន្ទាយមានជ័យ មានសិស្សប្រឡងជាប់សរុបចំនួន ៤ ១៤៣នាក់ ស្រី ២ ៥០៥នាក់ ស្មើនឹង ៦៨,៣៩% ក្នុងចំណោមសិស្សប្រឡងសរុប ៦ ០៥៨នាក់។ នេះបើតាមការបញ្ជាក់ឱ្យដឹងពីប្រធានមន្ទីរអប់រំ យុវជន និងកីឡាខេត្តបន្ទាយមានជ័យ លោក ឈូ ប៉ុនរឿង។

ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានបញ្ជាក់ថា ក្នុងចំណោមសិស្សសរុបដែលជាប់ ក្នុងនោះមានសិស្សជាប់និទ្ទេស A ចំនួន ៨២នាក់ ស្រី ៤៣នាក់ និទ្ទេស B ចំនួន ៣៣១នាក់ ស្រី ២០៧នាក់ និទ្ទេស C ចំនួន ៦៤៦នាក់ ស្រី ៤៣៥នាក់ និទ្ទេស D ចំនួន ១ ៤១៨នាក់ ស្រី ៨៧១នាក់ និងនិទ្ទេស E ចំនួន ១ ៦៦៦នាក់ ស្រី ៩៤៩នាក់។

ក្រសួងអប់រំ យុវជន និងកីឡា បានប្រកាសលទ្ធផលប្រឡងបាក់ឌុបឆ្នាំ២០២៣ ដោយមានសិស្សប្រឡងជាប់សរុបចំនួន ៩៨ ៤៦០នាក់ ស្មើនឹង ៧២,៨៩ភាគរយ។ ក្នុងនោះមានសិស្សបាននិទ្ទេស A ចំនួន ១ ៦៧៣នាក់ និទ្ទេស B ៦ ៩៦៤នាក់ និទ្ទេស C ១៨ ៣០៨នាក់ និទ្ទេស D ៣៤ ២៤៦នាក់ និងនិទ្ទេស E ៣៧ ២៦៩នាក់៕